Zwarahoib Joha späda ...

Es Joa is um ...

... und da Blog wird "eigfroan" - wäus Presshaus fertig is!

Da "Adventmarkt in da Köllatrift" is Geschichte ...

 

 ... mia haum a unsan Beitrog gleist!

De Köllakotz beeaht mi ...

s'Liacht

I hob a nau a boa Fiaschtstoana gfundn, damit des Liacht ned so grö is en Kölla owe.

Schloßblech

Gö, schaut schao a weing wia a Fledamaus aus.

I hob a nau gschwind a Hoiz eigramt, damit ma en Adventmoakt in da Trift a duach hoidn.

Und a an Klopptisch montiert. Des is a oida Hockstog.

Es Groos hot nau augstaubt.

 Unta d'Lawa hot es frisch aubaude Groos nau augstaubt - do sa ma im Frihjoa daunn schau vorau.

De Kölladia is a nau fiate woan. Owa irgendwos föht - i glaub es Schloßblech. Vielleicht find i nau oas wo. De Lucka auf da Dia is koa Postkastl - des is fia d'Fledameis. De san scho länga do drinn, mochan grod ean Winterschlof und wön im Frihjoa jo wieda auße ... zun Floign und Gösn faunga ;-)

Da Hiaregst ...

... is de Iwagaungszeit vo Summa auf Winta, waun de Hektik schei laungsaum in de ruhigare Zeit iwa geht, wo ma se a weing auf unsare innare Wöd konzentriern. Mia soitn uns a a weing Zeit fia de Iwagaungszeit nehima.
 Ma soit vielleicht den Keapa aufn Winta eistöhn - des Immunsystem stärkn. Vielleicht mit da oan oda aunan Medizin ausm Kölla :-)

Es easchte Moi eigkoazt:

De Ofareahn is mauntiert. A Papia, a weing a Zaussad und schau gehts loos ... glei is a weini iwaschlong :)

Jetzt brauch ma hoit nau an Tisch ...

... waun da gaunze Saund ind Fugn daun drinn is aum Platzl. Owa vielleicht erscht nexts Joa.

A richti schais Weda zan Lesn in da Fria ...

... und dem Heischreck schmeckts ah!

Mia san voi in Lesn drau ...

 Und fia de Oftalesa loss ma a wos heinga - ned nua de Wintahöhn, a a weng wos siass ;-)

... da "Admiral" is scho do!

Da Ohgaung zua zweitn Reahn keaht gmocht.

Mid oan gschicktn Weakzeig aum Traktor vom Opa san de fufzg, sechzg oder sibzg Kilostoana a duat hie keima, wos hie keahn. Des is owa eascht da Aufaung ...

De Triftkotz is wieda gseng woan ...

... vielleicht lost sa se a bei uns auschaun amoi.

Wos hot des mit da Köllakotz auf si?

Es gibt mehrare Gschichtn zua Köllakotz:

Wäu da Most bei da Vagärung a weng Wiam azeigt, haum se de Kotzn gean auf de Fassl glegt. Auf den Fassl mit da längstn oda stiakstn Vagärung is daunn bsundas gern gleng. Des soi daunn a da bessare Wei gwesn sei und so hot ma des glei gseng. De gschnitzte Köllakotz hot ma daun maunixmoi no da Vagärung auf des Fassl gstöht, mitn bestn Wei ... wäu da echtn Kotz hot de Gärung im Kölla jo a net guid dau ;-)

A aunare Gschicht beschreibt des Wesn da Kotzn - de kean jo zu de reinlichstn Viecha und ah beim Wei mocha muaß ma stoak auf de Reinlichkeit schaun. Wau ma do an Dreck eini bringt wird nix gscheits draus. Und ehm mit dea Reinlichkeit der Kotzn hot ma de Oawat im Kölla in Vabindung brocht und so fia de Gäst mit oana gschnitzn Köllakotz im Köllastibal oder in da Rehan auf des extra hinweisn wön.

In maunichn Gegndn wird a da fö-oartige Schwoazschimmö in de Köllarehan ois Köllakotz bezeichnt, dea so schiach ois a vielleicht ausschaut eigendli de optimalstn klimatischn Bedingungen bei iwa 85 Prozent Luftfeichtigkeit und zwischen 8 bis 10 Grad im Kölla aufzoagt. Vermutli wiad dea Schimmö in Zukunft nimma so oft gseng wean, wäu in de Köllarehan imma weniga Hoizfassl lingan (des is a guad dafia) und de Weiproduktion aus de Kölla immer mea auswaunat

Und wos i no keaht hob is, daas des Gstöh zum ohstitzn vo an Fassl, damits komplett ausrinna kau, ah irgendwo zu ana Kotz mutiert is und ebm so ausschaun kau.

Wos is so mitgriagt hob, gibts jetzt wieder mea vo de Köllakotzn - de an stengan nur dekorativ herum, de aundan auf de Fassl mit de bestn und vielleicht primiatn Weine. De zoang den gaunzn Stoitz des Weibauan ...

Seit Joahhundatn güt de Kotz ois a Oat mystisches Wesn und vatreibt vielleicht a de besn Geista ...und vom besten Wei soin jo eh ned olle wos grian.

Warum de Köllakotz so an Bugl hot waas i net - vielleicht ebm wäus a Kotz is ... oder wäu waunn de Kotz in da Rehan woa und de Gärgase gspiat hotschnö auf de Fassl auffe gkupft is, pfaucht hot und oan Bugl gmocht hot. So hot da Weibaua gwisst - öha, iatzt pressierts ...

Ma siacht de Kotz neiadings in olle meglichn Foam - oba eigendli soitats schwoaz sei ... und bleim!

A echte Köllakotz hobi scho laung nimma gseng. Nur heia is wieda oane aufdaucht in da Trift. Ob de bei de Weibauan einideaf? Zun Meisfaunga warads scho guid ... so woa sas jo owäu.

Büd foigt!

Iwahaupt nix doa gehd ah ned ...

... so hau ma se dengt, mia richdn den Eigaung vo unsara zweitn Reahn danem. Jetzt amoi n Bogn und d'Maua. Hot eh fost an Dog dauad!

Köllagäst

De Köllagäst san woi de genügsaumstn - des Liacht, des woin de Viechal vielleicht net so ... oda do?

Nau do schau her ...

... jetz is amoi gmui min oawatn! Jetz sitz ma nua mea und loosn ... und dringan des oane oda aunare achtal.

Sonnenunta- u. aufgaung Mitte Juni.

Hobts ehs gwisst, waun de Sunn in da Trift so um de Zeit iatzt unta- und aufgeht? I hobs aussagfundn. Um ungefähr hoiwa Zehne gehts owe ...

... und ums hoiwa Viere in da Fria gehts wieda aufe!

Urbanus & Köllakotz

Da Häulige Urbanus (Franziska: "Des is gaunz sicha da Nikolaus!") hot an Ehanplotz kriagt. De Köllakotz is a iwa d'Maua und aufi gkupft!